Afrikaans PWL 1’n Gebed van Moshe, die man van God. יהוה, U was ons Blyplek van geslag tot geslag. 2Voordat die berge voortgebring is of voor U ooit die aarde en die wêreld gevorm het, van ewigheid tot ewigheid is U God. 3U verhoed die mens tot vernietiging en sê: “Keer terug, o mensekinders!” 4Want duisend jaar in U oë is soos die dag van gister as dit verby is en soos ’n wagbeurt in die nag. 5Die span van hulle lewe sal wees soos ’n slaap; in die oggend is hulle soos die gras wat verander: 6in die oggend floreer dit en groei; in die aand word dit afgesny en dit verdroog, 7want ons word verteer deur U woede en deur U toorn word ons lastig geval. 8U stel ons booshede voor U, die sondes van ons jeug in die lig van U Teenwoordigheid, 9want al ons dae gaan verby onder U toorn, ons bring ons jare deur in sinnelose boosheid. 10Die jare van ons lewens is sewentig jaar en wanneer ons baie sterk is, tagtig jaar, tog is die meeste daarvan inspanning en smart, want die lewe word gou afgesny en ons vlieg weg. 11Wie ken die krag van U woede en die vrees van U toorn? 12Leer ons om ons dae so te tel dat ons ons verstand, wil en emosie tot wysheid mag wend! 13Keer terug, יהוה! Vir hoe lank wil U nie U diensknegte vertroos nie? 14Bevredig ons in die oggend vroeg met U goedheid sodat ons kan uitroep van vreugde en bly wees, al ons dae. 15Maak ons bly omdat ons boosheid en die jare waarin ons boosheid gesien het, dood is. 16Laat U werk vir U diensknegte sigbaar word en U Gemanifesteerde Teenwoordigheid vir hulle kinders 17en laat die mooiheid van יהוה, ons God, oor ons wees, want die werk van Sy hande het ons gemaak, ja, Hy het ons gemaak deur die werk van Sy hande! Die Pad van Waarheid tot die Lewe Afrikaanse (Die Pad van Waarheid tot die Lewe Afrikaans Translation of the Bible). Courtesy of www.padwlewe.ch. Used by Permission. Bible Hub |
    |