Afrikaans PWL 1’n Lied: ’n gedig van die seuns van Korag, met instrumentale musiek. 2 יהוה is groot en waardig tot baie suiwer lof in die stad van ons God en op Sy afgesonderde opgeligte berg! 2Pragtig opgelig, die vreugde van die hele aarde, is die berg Tziyon, aan die noordekant, die stad van die groot Koning! 3God is bekend in haar vesting, 4want let op, die konings vergader en gaan saam verby. 5Hulle het dit gesien, hulle is ontsteld, verskrik en het haastig weggevlug. 6Vrees het hulle beetgepak, pyn soos van ’n vrou wat geboorte gee. 7Met ’n gewelddadige storm verbreek U die skepe van Tarshish. 8Soos ons gehoor het, so het ons gesien in die stad van יהוה-Tzva’ot, die stad van ons God. God sal dit bevestig tot in ewigheid. 9Ons het U liefdevolle goedheid in U tempel oordink, o God. 10Soos U Karakter en Outoriteit (Naam) is, o God, so is U lofprysing tot aan die eindes van die aarde. U regterhand is vol onpartydige opregtheid. 11Laat die berg Tziyon hom verheug, laat die dogters van Y’hudah bly wees oor U oordele. 12Loop om Tziyon en gaan rondom, tel sy torings. 13Let goed op na sy sterkte, die diepte van sy mure sodat julle dit aan ’n volgende geslag kan vertel, 14want hierdie God is ons God, vir ewig en ewig. Hy sal ons lei tot die dood toe. Die Pad van Waarheid tot die Lewe Afrikaanse (Die Pad van Waarheid tot die Lewe Afrikaans Translation of the Bible). Courtesy of www.padwlewe.ch. Used by Permission. Bible Hub |
    |