Job 32
Afrikaans PWL
1Toe het hierdie drie manne, wat Iyov wou veroordeel, opgehou om hom te antwoord omdat hy regverdig gevind is in hulle oë. 2Toe is Elihu, die seun van Barakh’el, die Buziet, uit die geslag van Ram, kwaad en het sy woede teen Iyov ontvlam omdat hy homself meer regverdig as God beskou het. 3Sy woede het ook teen sy drie vriende ontvlam omdat hulle geen antwoord vir Iyov gevind het om hom te veroordeel nie. 4Nou, Elihu het gewag om Iyov met woorde te korrigeer omdat die ander mans ouer as hy was. 5Toe Elihu sien dat hierdie drie nie in staat is om Iyov te antwoord nie, was hy woedend

6en Elihu, die seun van Barakh’el, die Buziet, het geantwoord en gesê: “Omdat ek jonger as u is in dae en u ouer is, was ek bang en het nie gewaag om my kennis aan u mee te deel nie,

7want ek het gesê: ‘Dae behoort te praat en die veelheid van jare moet wysheid leer.’

8Waarlik, daar is ’n gees in die mens en die Gees van die Almagtige gee vir hulle insig.

9Dit is nie ouderdom wat mense wys maak nie; ook verstaan die oues nie altyd regverdige oordeel nie;

10daarom sê ek: ‘Luister na my; ek sal ook vir u my kennis wys.’

11Let op, ek het stilgebly terwyl u praat; ek het geluister totdat u opgehou praat het terwyl u gesoek het na woorde.

12Ja, ek verstaan u getuienis, maar let op, daar is nie een van u wat Iyov kon bestraf nie, of sy woorde kon beantwoord nie

13sodat julle kon sê: ‘Ons het wysheid gevind, God het hom verslaan, geen mens nie.’

14Iyov het nie sy woorde tot my gerig nie en ek sal hom ook nie met julle woorde beantwoord nie.”

15Hulle was stil, hulle het hom niks meer geantwoord nie, hulle woorde is alles op, hulle bly dus stil.

16Hulle het nie gepraat nie, hulle was stil en het hom nie meer geantwoord nie.

17“Ek wil ook van my kant af antwoord; ek sal ook my kennis wys,

18want ek is vol woorde; die gees in my dring my.

19Let op, ek kan myself nie terughou nie en ook vind ek geen verligting nie; ek kan myself nie langer keer om te praat nie.

20Ek wil praat om verligting te kry, ek sal my lippe oopmaak en antwoord.

21Ek sal nie partydig wees teenoor enige persoon en ek sal ook nie skaam wees in die teenwoordigheid van enige een nie,

22want ek weet nie wat dit is om titels te ag nie; anders sou my Almagtige Een my gou verwyder het.

Die Pad van Waarheid tot die Lewe Afrikaanse (Die Pad van Waarheid tot die Lewe Afrikaans Translation of the Bible). Courtesy of www.padwlewe.ch. Used by Permission.

Bible Hub
Job 31
Top of Page
Top of Page