Jesaja 41
Afrikaans PWL
1“Luister in stilte na My, o kuslande en laat die volke nuwe krag kry; laat hulle vorentoe kom en laat hulle dan praat; laat ons saam kom vir oordeel.

2Wie het een uit die ooste opgewek vir wie Hy in onpartydige opregtheid na Sy voete roep? Hy bevry nasies voor Hom en onderwerp konings. Hy maak hulle soos stof met Sy swaard, soos windgewaaide kaf met Sy boog.

3Hy agtervolg hulle en maak dan vrede; Hy sal nie per voet daar verbygaan nie.

4Wie het dit gedoen en bereik, die geslagte van die begin af geroep? ‘Ek, יהוה, is die Eerste en die Finale; Ek is Hy.’”

5Die kuslande het gesien en is bang; die eindes van die aarde bewe; hulle het nader beweeg en gekom.

6Elkeen het sy naaste gehelp en vir sy broer gesê: “Wees onveranderlik sterk!”

7So het die ambagsman die smelter versterk, hy wat met die hamer plat slaan, hy wat op die aambeeld slaan terwyl hy van die soldering sê: “Dit is goed!” Hy maak dit met spykers vas sodat dit nie beweeg nie.

8“Maar jy, Yisra’el, My dienskneg, Ya’akov, wat Ek gekies het, nageslag van Avraham, My vriend,

9jy, wat Ek gevat het van die eindes van die aarde af en van sy verste dele geroep het en vir jou gesê het: ‘Jy is My dienskneg; Ek het jou gekies en jou nie verwerp nie;

10moenie vrees nie, want Ek is by jou; kyk nie angstig rond nie, want Ek is jou God. Ek sal jou versterk, sekerlik sal Ek jou help en jou ondersteun met My regverdige regterhand.’

11Let op, almal wat kwaad is vir jou sal beskaamd staan en onteer word; hulle wat jou teëstaan sal soos niks wees en vergaan.

12Jy sal hulle wat met jou stry soek, maar hulle nie kry nie, die wat teen jou oorlog voer sal wees soos niks en wat nie bestaan nie,

13want Ek is יהוה, jou God, wat jou regterhand ophou, wat vir jou sê: ‘Moenie vrees nie, Ek sal jou help.’

14Moenie vrees nie, wurmpie Ya’akov, manne van Yisra’el! Ék sal jou help,” verklaar יהוה “en jou Loskoper is die Afgesonderde Een van Yisra’el.

15Let op, Ek het van jou ’n skerp, dorsslee gemaak met dubbel snykante; jy sal berge dors en fyn maal en die heuwels maak soos kaf.

16Jy sal hulle uitwan en die wind sal hulle wegdra en die storm sal hulle verstrooi, maar jy sal in die rondte swaai van vreugde in יהוה, jy sal roem en eer in die Afgesonderde Een van Yisra’el.

17Die geteisterdes en behoeftiges soek water, maar daar is niks nie en hulle tong verskroei van dors; Ek, יהוה, sal hulle self antwoord; as die God van Yisra’el, sal Ek hulle nie in die steek laat nie.

18Ek sal riviere op die kaal heuwels oopmaak en fonteine in die valleie; Ek sal die wildernis ’n poel van water maak en die droë land fonteine van water.

19Ek sal die seder in die wildernis sit, die akasia en die mirt en die olyfboom; Ek sal die jenewerboom in die woestyn plant saam met die palmhoutboom en die sipres

20sodat hulle kan sien en herken, oorweeg en insig kry dat die hand van יהוה dit gedoen het en die Afgesonderde Een van Yisra’el dit geskep het.

21“Stel julle saak,” sê יהוה; “bring julle sterk argumente vorentoe,” sê die Koning van Ya’akov.

22“Laat hulle dit bring en aan Ons verklaar wat gaan gebeur; wat die vorige betref, verklaar wat hulle was sodat Ons dit kan oorweeg en weet wat gaan gebeur, of kondig aan wat gaan gebeur;

23verklaar die dinge wat later sal kom sodat Ons kan weet dat julle gode is; inderdaad, doen goed of kwaad sodat Ons verbaas kan rondkyk en saam kan vrees.

24Let op, julle tel nie en julle werk beteken niks nie; om julle te kies is verwerplik.

25Ek het een uit die noorde opgewek en hy het gekom; van die opkoms van die son af sal hy My Naam (Karakter en Outoriteit) aanroep en hy sal afkom op heersers soos op bouklei, soos die pottebakker die klei trap.”

26Wie het dit verklaar van die begin af sodat Ons kan weet? Of van vroeër af sodat Ons kan sê: ‘Hy is reg?’ Daar was sekerlik niemand wat verklaar het, niemand wat dit afgekondig het, niemand wat julle woorde gehoor het nie.

27Ek het vroeër vir Tziyon gesê: ‘Let op, hier is hulle!’ Vir Yerushalayim: ‘Ek sal ’n Boodskapper van goeie nuus gee.’

28Wanneer Ek egter kyk, is daar geen en onder hulle is daar geen raadgewer wat, as Ek vra, ’n antwoord kan gee nie.

29Let op, hulle is almal vals, hulle werke is waardeloos, hulle gegote beelde is wind en leegheid.”

Die Pad van Waarheid tot die Lewe Afrikaanse (Die Pad van Waarheid tot die Lewe Afrikaans Translation of the Bible). Courtesy of www.padwlewe.ch. Used by Permission.

Bible Hub
Isaiah 40
Top of Page
Top of Page