Afrikaans PWL 1Elihu het weer gepraat en gesê: 2“Dink u dat u reg was om te sê: ‘Ek is skuldloos verklaar deur God?’ 3As u dit gesê het, watter voordeel het dit vir u en wat sal ek baat as ek u veroordeel? 4Ek sal u antwoord met woorde, vir u en u vriende by u. 5Kyk op na die hemel en sien die wolke wat hoër is as u. 6As u sondig, watter verskil maak dit vir Hom en as u oortredinge vermeerder, wat maak dit saak vir Hom? 7As u regverdig is, wat gee u aan Hom, of wat ontvang Hy uit u hand? 8U boosheid raak net uself en u onpartydige opregtheid net uself. 9As gevolg van die menigte van onderdrukkinge skreeu mense en baie roep uit oor onregverdigheid 10en niemand sê: ‘Waar is God, my Maker, wat raadgee in die nag, 11wat ons meer leer as die diere van die veld en ons wyser maak as die voëls van die hemel?’ nie. 12Hulle roep, maar Hy antwoord hulle nie, 13want God hoor en luister nie na die leë trots van boosdoeners en prys dit ook nie. 14Alhoewel u gesê het: ‘Ek sal Hom nie loof nie,’ pleit tog en vra voor Hom, 15want nou straf Hy nie in Sy woede nie en doen geen skade aan enige lewe nie; 16daarom het Iyov verniet gepraat; hy vermenigvuldig woorde sonder kennis.” Die Pad van Waarheid tot die Lewe Afrikaanse (Die Pad van Waarheid tot die Lewe Afrikaans Translation of the Bible). Courtesy of www.padwlewe.ch. Used by Permission. Bible Hub |
    |