Afrikaans PWL 1Die woord wat vanaf יהוה tot Yirmeyahu gekom het:
2“So sê יהוה, die God van Yisra’el: ‘Skryf al die woorde wat Ek met jou gepraat het, in ’n boek neer,
3want let op, daar kom dae,’ verklaar יהוה, ‘dat Ek die voorspoed van My volk Yisra’el en Y’hudah sal herstel.’ יהוה sê: ‘Ek sal hulle ook terugbring na die land wat Ek vir hulle voorvaders gegee het en hulle sal dit besit.’” 4Hierdie is die woorde wat יהוה gesê het aangaande Yisra’el en Y’hudah: 5“So sê יהוה: ‘Ek het ’n klank van verskrikking gehoor; van vrees en daar is geen vrede nie! 6Vra tog en kyk of ’n manspersoon geboorte kan gee? Waarom sien Ek elke man met sy hande op sy heupe soos ’n vrou in geboortepyn en waarom het alle gesigte bleek geword? 7Wee, want daardie dag is groot, daar is geen ander soos dit nie en dit is die tyd van Ya’akov se benoudheid, maar hy sal daaruit gered word. 8Dit sal gebeur op daardie dag,’ verklaar יהוה-Tzva’ot, ‘dat Ek die koning van Bavel se juk van hulle nek sal afbreek en hulle stroppe sal afskeur en vreemdelinge sal hul nie langer hulle slawe maak nie, 9maar hulle sal יהוה, hulle God, dien en Dawid, hulle Koning, wat Ek vir hulle sal opwek. 10Wees nie bevrees nie, o Ya’akov My kneg,’ verklaar יהוה ‘en moenie mismoedig wees nie, o Yisra’el, want let op, Ek sal jou red daar ver en jou nageslag uit die land van hulle gevangeskap en Ya’akov sal terugkom en stil en rustig wees en niemand sal hom bang maak nie, 11want Ek is by jou,’ verklaar יהוה, ‘om jou te red, want Ek sal al die nasies waarheen Ek jou verstrooi het volkome vernietig, maar vir jou sal Ek nie volkome vernietig nie, maar Ek sal jou regverdiglik tugtig en jou onder geen omstandighede ongestraf laat bly nie,’ 12want so sê יהוה: ‘Jou wond is ongeneeslik en jou besering ernstig. 13Daar is niemand om jou saak te pleit nie; geen genesing vir jou seer nie, geen herstel vir jou nie. 14Al jou minnaars het jou vergeet, hulle vra nie na jou nie, want Ek het jou verwond met die wond van ’n vyand, met ’n wrede straf omdat jou oortredinge groot is en jou sondes baie. 15Waarom roep jy uit oor jou wond? Jou wond is pynlik omdat jou oortredinge groot is en omdat jou sondes vermeerder het, het Ek hierdie dinge aan jou gedoen; 16daarom, almal wat jou opeet, sal opgeëet word en al jou teëstanders, elke een van hulle, sal in gevangeskap gaan en hulle wat jou plunder, sal geplunder word en Ek sal almal wat jou jag, oorgee as ’n prooi, 17want Ek sal jou tot gesondheid herstel en jou genees van jou wonde,’ verklaar יהוה, ‘omdat hulle jou ’n uitgeworpene genoem het en sê: “Dit is Tziyon, niemand gee om vir haar nie.’” 18So sê יהוה: ‘Let op, Ek sal die voorspoed van die tente van Ya’akov herstel en My oor sy blyplekke ontferm en die stad sal op sy puinhoop herbou word en die paleis sal op sy regte plek staan. 19Vanuit hulle sal danksegging en die stem van hulle wat feesvier uitgaan en Ek sal hulle vermenigvuldig en hulle sal nie verminder nie; Ek sal hulle ook eer en hulle sal nie gering wees nie. 20Hulle seuns sal ook wees soos vroeër en hulle bymekaarkoms sal voor My vasgestel wees en Ek sal al hulle onderdrukkers straf. 21Hulle leier sal een van hulle wees en hulle heerser sal uit hul midde kom en Ek sal hom nader bring en hy sal nader kom na My toe, want wie sal sy lewe waag om nader te kom na My toe?’ verklaar יהוה. 22‘Julle sal My volk wees en Ek sal julle God wees.’” 23Let op, die storm van יהוה! Toorn het uitgegaan, ’n kolkende storm! Dit sal oor die koppe van die bose oortreders losbreek. 24Die ernstige woede van יהוה sal nie terugdraai nie totdat Hy die beplanning van Sy denke uitgevoer en voltooi het; in die laaste dae sal julle dit verstaan. Die Pad van Waarheid tot die Lewe Afrikaanse (Die Pad van Waarheid tot die Lewe Afrikaans Translation of the Bible). Courtesy of www.padwlewe.ch. Used by Permission. Bible Hub |
    |